од средбата со амбасадорката на Куба

Потпретседателката на Стопанската комора на Северна Македонија, д-р Јелисавета Георгиева-Јовевска, оствари работни средби со: амбасадорката на Република Куба со седиште во Софија, Н.Е.Мариета Гарсија Хордан, со амбасадорот на Исламска Република Пакистан со седиште во Софија, Н.Е. Модасар Чаудри и со амбасадорот на Арапска Република Египет со седиште во Софија, Н.Е. Надер Саад.

На средбите, од страна на потпретседателката Георгиева-Јовевска беше претставена целокупната работа и функционирање на Комората притоа истакнувајќи дека од заеднички интерес е да се работи на можностите за интензивирање на соработката преку организација на заеднички форуми, деловни средби и други облици на поврзување на компании од секторите каде што постојат потенцијали и интерес за соработка со соодветната земја. Георгиева Јовевска подвлече дека главни столбови кон кои се насочени активностите на Комората се извозот, односно поддршката на извозните компании, инфраструктурата, односно изградба на ифраструктирните проекти од интерес за земјата и пошироко, како и инвестициите. Исто така таа потенцираше дека главниот предизвик со кој се соочуваат компаниите во своето работење е недостигот од стручна и квалификувана работна сила за што Комората е активно вклучена во активности за дуално образование со самите компании и ресорното министерство. Стопанската комора е гласот на бизнис заедницата а најважните нешта што компаниите го бараат се предвидливата работна средина, функционирање на правниот систем, вистинско консултирање при носење на законите од значење за бизнисот....

Северна Македонија како мала и отворена економија има потенцијал за соработка и затоа освен тоа што е потребно да се стави акцент на подобрување на инфраструктурата, зголемувањето и поддршката на извозот и на инвестициите, исто така важно е и регионалното поврзување и заедничкото интегрирање посебно преку иницијативата на Коморскиот инвестициски форум (КИФ) на 6-те економии на Западен Балкан. КИФ како регионална иницијатива која ги интегрира стопанските комори од Албанија, Босна и Херцеговина, Косово, Северна Македонија, Србија и Црна Гора претставува одлична можност за продлабочување на соработката и заштита на интересите на повеќе од 300.000 компании, со мисија да ја поврзе деловната заедница од регионот, да ја поттикне конкурентноста, да ги елиминира бариерите со кои се соочуваат компаниите и да ги подобри економиите.

од средбата со амбасадорот на Египет