Компаниите од металната и електроиндустријата се од посебно значење за развојот на земјата бидејки нивните производи имаат карактер на трајни потрошни добра и се од инвестиционо значење, а дел од производството е наменето за широката потрошувачка.
Во металната и електроиндустријата застапени се дејностите, производство на метални производи во металопреработувачката фаза, производство на машини и уреди, производство на електрични машини и апарати, производство на моторни возила приколки и полуприколки и производство на други сообраќајни средства и опрема за транспорт.
За развојот на металната и електроиндустријата постојат неколку стратешки документи како што се Индустриска политика на Република Македонија 2009-2020 година и Национална стратегија за мали и средни претпријатија (2018-2023).
Моментално во металната и електроиндустријата инсталирани се повеќе капацитети за преработка на производи со повисока фаза на обработка односно повисок степен на финализација, како што се машини и апарати за филтрирање и пречистување на течност и гас, електроника за автомобилската, авионската индустрија, специјални алатни машини-роботи, челични конструкции, мостови и нивни делови, процесна нестандардна опрема за енергетски објекти, металургија, хемиска индустрија, прехранбена индустрија и друга индустрија, производи за градежништвото,жичани производи, апарати на цврсти горива и камини, апаратиза домаќинството, за хотели и ресторани, медицинска опрема и помагала, енергетска опрема (разни видовина трансформатори, енергетски кабли, колектори за соларна енергија, контактори и релеи), делови за моторни и шинскивозила, стартероловни акумулатори, електроника и делови за автомобилската индустрија, автобуси и комунални возила и друго.
Во фазата на преструктуирање преку процесите на приватизација, како и при странски вложувања преку Greenfield инвестиции во изминатиот период остварени се значајни странски вложувања во кои имаат значително влијание во зголемување на производството и преструктуирање на трговската размена со странство.
Долгогодишните вложувања во домашните компании и новите странски инвестиции во овие гранки овозможија да продолжат позитивните трендови во делот на производствотo и размената со странство. Учеството на овој сектор во структурата на физичкиот обем на индустриското производство за 2021 година е зголемен на 25.14%, а најголемо учество има производството на машини и уреди од 11,64 %.
Во 2021 година остварен е извоз од 2.497.233 САД долари што претставува учество во вкупниот извоз остварен од државата од 30,5% Најзастапени производи во извозот од овој комплекс се електричните машини, апарати и делови и нивните електрични делови (вклучувајќи неелектрични делови на електрични апарати за домаќинство, н.н.) во вредност од 1.186.085 САД долари, како и индустриски машини и опрема за општа употреба во вредност од 982.985 САД долари.
Над 85% од производството во земата се пласира во земјите на ЕУ, поранешните ЈУ-републики, Југоисточна Европа идруги земји, а останатиот дел на домашниот пазар.
Пазарите на Европската унија немаат големи бариери за македонските производи од металната и електроиндустријата, но, како главна пречка што оневозможуваат некои производи од металната и електроиндустријата да влезат на пазарите на ЕУ преставува се уште недоволното ведување на потребните стандарди за безбедност кои се бараат за секој производ. За подобрување на состојбите и остварување на поголемо производство и извоз потребна е погплема поддршка за формирање на овластени и акредитирани лаборатории и тела за оценка на сообразноста од областа на техниката согласно Законот за безбедност на производите кои ќе бидат акредитирани и признати од ЕУ и дополнителна поддршка и поволни кредити од деловните банки, во континуитет за константно инвестирање во знаење, во современа опрема и во развојот на компаните кои се извозно ориентирани.
Во наредниот период потребно е воведување на производство на комплетни готови производи со повисока фаза на обработка кои треба да бидат конкурентни на пазарите со прифатливи цени и рокови.
Неопходна е поголема комуникација и соработка на домашните компании од металната и електроиндустријата со компаниите од индустриските слободни економски зони и компании од ЕУ, со цел најбрзо да се дојде до информации за фирмите и производите од оваа област, а во насока на вклучување на нашите производители како подизведувачи на одредени работи за потребите на тие компании.
Посебно значење оваа дејност обрнува внимание и на недостатокот на стручен кадар со средно и високо образование кој одговара на потребите на странските и домашните компании.
За надминување на проблемот поврзан со недостаток на квалификувана работна сила и нормално работење на компаниите, потребно е во иднина да се посвети внимание на најмладите лица преку едукативни и информативни сесии со цел да се привлечат да се запишуваат во средните стручни училишта, поради што компаниите од оваа дејност се почесто се вклучуваат во коморските активности за промоција и развој на кадар по мерка на бизнисот, односно на промоција и развој на стручното образование.
