Здружението на хемиската индустрија ги опфаќа стопанските субјекти од базичната хемиска индустрија, производството на индустриски гасови, производството на фармацевтски производи, производство на козметички производи и средства за домаќинство, производство и преработка на пластични маси и гума.

Во Здружението на хемиската индустрија при Комората членуваат околу 60 стопански субјекти, значајни репрезенти на оваа индустрија, од сите гореспоменати дејности. Хемиската индустрија и производството и преработката на пластика и гума се значајна инфраструктурна индустриска гранка, чии што производи се користат во речиси сите сегменти на стопанството, додека во широката потрошувачка покриваат значајни и витални животни подрачја. Посебно значаен дел, кој бележи констинуиран раст е фармацевтската индустрија, производство на основни фармацевтски производи и фармацевтски препарати.

На седница на Здружението на хемиската индустрија одржана на 22.01.2025 година за претседател на Здружението во следниот петгодишен период е избран г-дин Александар Чадиковски, ТГС Технички гасови ДОО - Скопје, а за заменик-претседател се избра г-дин Емил Евгениевски, „Алкалоид“ АД – Скопје.

За претставници од Здружението на хемиската индустрија, во Собранието на Стопанската комора на Северна Македонија, за мандатен период 2025-2030 година се избраa:

1.     Боријан Борозанов, „Џонсон Мети“ ДООЕЛ - Скопје

2.     Емил Евгениевски, „Алкалоид“ АД - Скопје

3.     Душан Пецовски, „Реплек Фарм“ ДООЕЛ – Скопје

4.     Александар Чадиковски –„ТГС Технички Гасови“ ДОО-Скопje

.

ПРАВИЛА за организацијата и начинот на работа на Здружението на хемиската индустрија

Хемиската индустрија и производството и преработката на пластика и гума се значајна инфраструктурна индустриска гранка, чии што производи се користат во речиси сите сегменти на стопанството, додека во широката потрошувачка покриваат значајни и витални животни подрачја. Околу 60% од производство го испорачува во облик на полупроизводи на другите индустриски гранки, а останатите 40-ина % се пласираат како финални производи.
Посебно значаен дел, кој бележи констинуиран раст е фармацевтската индустрија, производство на основни фармацевтски производи и фармацевтски препарати.

Основните параметри за оваа индустрија покажуваат  учество околу 1,8 до 2% како додадена вредност во БДП и учество од околу 5% во вкупниот број вработени во преработувачката индустрија.

Овие дејности во структурата на вкупното индустриското прозводство учествуваа со 6,53%

Индустриско производство 2020/2019

Извор: ДЗС

Хемискиот комплекс просечно годишно реализира извоз на стоки од околу 1,5  милијарда ЕУР.

Извор: ДЗС

Во хемиската индустрија поважни инсталирани капацитети се за производство и извоз на: готови лекови, бои и лакови, ПВЦ прав, ПВЦ гранулат и компаунди, ПВЦ цевки, амбалажа од пластични маси, козметички препарати, адитиви за градежништво и технички гасови.

Во хемиската индустрија, постојните производствени потенцијали на инсталираните капацитети, како и искусниот кадровски потенцијал, се основа за забрзан развој и вложувања, пред се' во реализација на проекти од областа на заштитата на човековата средина за пречистување на почвата, каталитички обвивки, производи за третман на водата и за третирање на отпадот. 

Производството на хемикалии и хемиски производи во структурата на физичкиот обем на индустриското производство на земјата во 2018 година учествуваат со 1,35 %, производството на пластични производи и гума со 2,93 % и производството на основни фармацевтски производи и фармацевтски препарати со 2,96%, или вкупно учество од 7,24 %. Приближно толкаво е и учеството во додадената вредност на индустријата и рударството.
Во 2018 година физичкиот обем на производството на хемикaлии и хемиски прооизводи бележи пораст од 9,1% . Производството на гума и производи од пластични маси во 2018 година е на нивото од претходната година додека производството на основни фармацевтски производи и фармацевтски препарати бележи континуиран пораст на физичкиот обем и во 2018 година тој изнесува 6,8%.
Хемискиот комплекс во 2018 година реализираше извоз на стоки во вредност од една милијарда и 512 милиони американски долари (во 2017 година беше рализиран извоз од една милијарда и 219 милиони американски долари). Учеството во вкупниот извоз на Р.Македонија изнесува 21,89 %. Најголемиот дел од извозот се однесува на извозот на катализатори. Производи од гума и пластика се извезени во вредност од 105,7 милиони американски долари што претставува зголемување на извозозт на овие производи за над 12 милиони американски долари, додека извозот на фармацевтски производи и фармацевстки препарати во 2018 година е исто така во пораст за над 12 милиони американски долри и изнесува 104,4 милиони САД долари.
Увозот на стоки за потребите на хемискиот комплекс и увозот на готови хемиски производи во 2018 година изнесува 1,27 милијарда американски дилари и во вкупниот увоз на РМ учествува со 14,2 %.
Учество во БДП Учество во извоз Учество во Увоз
1.6 21,89 14,2

Просечното учество на хемиската индустрија во националниот извоз изнесува над 20% . Потребно е да се напомене дека вака високиот процент се должи на извозот на катализатори.
 

Период: 1-12 2018

Период: 1-12 2017

Период: 1-12 2016

Извоз и увоз во 2015 година

Извоз и увоз во 2014 година

Извоз 2013година

Увоз 2013 година

Учество во вкупенизвоз/увоз

Извоз, увоз 2012

Извоз, увоз 2012

Извоз, увоз во 2011

Производство, извоз и увоз во 2010

Производство на хемиски производи во 2009

Извоз и увоз на хемиски производи во 2009

Извоз и увоз -по сектори 2009