Со овој закон се уредуваат правата и должностите на Република Северна Македонија, на општините, на градот Скопје и на општините во градот Скопје, како и правата и должностите на правните и на физичките лица, во обезбедувањето услови кои се потребни за интегрирано спречување  и контрола на загадувањето предизвикано од индустриски активности, како и во обезбедување услови за спречување, или доколку тоа не е возможно намалување на емисиите во воздух, вода и почва и спречување на создавање на отпад, со цел да се постигне високо ниво на заштита на животната средина како целина, заради остварување на правото на граѓаните за здрава животна средина. 

• Индустриски инсталации кои вршат дејности или активности утврдени во Глава - IV Индустриски инсталации за кои е потребно издавање на А-интегрирани еколошки дозволи од овој закон;
• Големи согорувачки постројки утврдени во Глава V од овој закон, одредби кои се вклучуваат во интегрираната еколошка дозвола без издавање на посебни дозволи;
• Постројки за инцинерација и ко-инцинерација утврдени во Глава VI од овој закон, одредби кои се вклучуваат во интегрираната еколошка дозвола без издавање на посебни дозволи; 
• Инсталации кои произведуваат титаниум диоксид. За овие активности се пропишуваат посебни барања утврдени во Глава VIII од овој закон, кои задолжително се земаат предвид при издавање на интегрирана еколошка дозвола;
• Инсталации кои користат органски растворувачи. Овие активности ќе се регистрираат на начин утврден во Глава VII од овој закон, во случаите кога за предметната инсталација не е потребна интегрирана еколошка дозвола;
• Инсталации кои вршат активности од помал обем (Б-Интегрирани еколошки дозволи) утврдени со прописите од поглавје IX од овој закон.