Врз основа на членот 75, ставови 1 и 2 од Уставот на Република Северна Македонија, претседателот на Република Северна Македонија и претседателот на Собранието на Република Северна Македонија издаваат

Се прогласува Законот за изменување и дополнување на Законот за пензиското и инвалидското осигурување, што Собранието на Република Северна Македонија го донесе на седницата одржана на 10 април 2023 година.

 

Бр. 08-2235/1                                                                                    Претседател на Република

10 април 2023 година                                                                       Северна Македонија,

Скопје                                                                                                  Стево Пендаровски, с.р.

                                                                Претседател

                                                     на Собранието на Република

                                                          Северна Македонија,

                                                            м-р Talat Xhaferi, с.р.

 

Во Законот за пензиското и инвалидското осигурување („Службен весник на Република Македонија” брoj 98/12, 166/12, 15/13, 170/13, 43/14, 44/14, 97/14, 113/14, 160/14, 188/14, 20/15, 61/15, 97/15, 129/15, 147/15, 154/15, 173/15, 217/15, 27/16, 120/16, 132/16, 35/18, 220/18 и 245/18 и „Службен весник на Република Северна Македонија” брoj 180/19, 275/19, 31/20, 267/20 и 67/22), во член 164-б став (1) во алинејата 1 бројот „540“ се заменува со бројот „218“, a бројот „716“ се заменува со бројот „393“.

Во алинејата 2 бројот „430“ се заменува со бројот„108“, a бројот „540“ се заменува со бројот „217“.

Во алинејата 3 бројот „300“ се заменува со бројот „1“, a бројот „400“ се заменува со бројот „77“.

По ставот (1) се додава нов став (2), кој гласи:

„(2) Дел на платата од ставот (1) на овој член е и минималната плата, која министерот за труд и социјална политика ја објавува во „Службен весник на Република Северна Македонија“ согласно со закон.“.

Ставот (2) кој станува став (3) се менува и гласи:

„(3) Делот на плата за работниот стаж на административниот службеник се вреднува во износ од 0,5% од збирот на делот на плата пресметана според бодови по категории од ставот (1) на овој член и минималната плата, за секоја навршена година работен стаж, а најмногу до 20%.“.

Ставовите (3) и (4) стануваат ставови (4) и (5).

Одредбите од членот 1 од овој закон, со кој во членот 164-б се менуваат став (1) алинеите 1, 2 и 3 и став (2) кој станува став (3) и се додава нов став (2), ќе започнат да се применуваат со исплатата на мартовската плата во месец април 2022 година.

Овој закон влегува во сила со денот на објавувањето во „Службен весник на Република Северна Македонија“.