Правилното управување со опасни материи и опасен отпад претставува една од најважните обврски за секоја компанија и институција, со директно влијание врз безбедноста на вработените, заштитата на животната средина и усогласеноста со законската регулатива.

Со цел да се информираат корисниците, за променливите методологии од областа на безбедност и здравје при работа, како што е и правилното управување со опасни материи и отпад, со што се помага во одржување на здрава и безбедна средина, Стопанската комора на Македонија на 03 март 2026 година, во соработка со Македонското здружение за заштита при работа (МЗЗПР), ќе реализира еднодневен семинар на тема: УПРАВУВАЊЕ СО ОПАСНИ МАТЕРИИ И ОПАСЕН ОТПАД, СОБИРАЊЕ И ОТСТРАНУВАЊЕ, СКЛАДИРАЊЕ И ДЕПОНИРАЊЕ, РЕЦИКЛИРАЊЕ, ГОРЕЊЕ, КРИТИЧКИ ТОЧКИ.

Неправилното постапување со опасни материи и отпад може да предизвика сериозни ризици по здравјето на работниците, загадување на животната средина, како и значајни правни и финансиски последици за организациите.

Семинарот ќе овозможи учесниците да се стекнат со практични знаења и компетенции за:

• законски усогласено управување со опасен отпад;
• правилно класифицирање и постапување со опасни супстанции;
• управување со ризици при ракување и складирање;
• инспекциски надзор и критични точки во пракса;
• современи методологии и ЕУ регулативи во областа.

I. Закон за управување со отпад

• Општи одредби;
• Примена на Законот;
• Делокруг и основни дефиниции.

II. Начела за одржливо управување со отпад, „Правилникот за опасни супстанции, гранични вредности (прагови) за присуство на опасни супстанции и критериуми или својства според кои супстанцијата се класифицира како опасна – Закон за безбедност и здравје при работа“ и Eу-регулатива.

III. Опасности и штетности од управување со опасни материи и опасен отпад, управување со ризикот при ракување со опасни материи и опасен отпад, надзор и надлежни органи, Делокруг на државниот инспектор за животна средина - мониторинг.

IV. Постапување со опасен отпад, правила за постапување со опасниот отпад.

• Проф. д-р Иван Ефремовски
  Доктор по правни науки, Декан на Факултетот за правни науки при МСУ
• Проф. д-р Цвете Димитриеска
  Редовен професор, Технички факултет – Битола
• м-р Љупчо Стојановски
  Стручно лице за животна средина
• асс. м-р Благој Димовски
  Технички факултет – Битола

-       Електронски работен материјал;

-       Сертификат за присуство на семинарот;

-       Потврда со 10 бода;

-       Закуска и освежување.