Стопанската комора на Македонија, поаѓајќи од законската обврска за унапредување на пазарното стопанство и претприемништвото, како и поттикнување на конкуренцијата, настојува да го даде својот максимален придонес во застапувањето и во претставувањето на интересите на своите членови пред надлежните државни органи и институции.

Во рамки на Здружението формирани се две ГРУПАЦИИ

1. Формирана ГРУПАЦИЈА ЗА МЕНАЏМЕТ КОНСУЛТАНТСКИ И ТРЕНИНГ ОРГАНИЗАЦИИ -МКТО

Претседател на МКТО е Ристо Иванов менаџер на  компанијата  Неол консалтинг

ГРУПАЦИЈАТА НА МЕНАЏМЕНТ КОНСУЛТАНТСКИ И ТРЕНЕРСКИ ОРГАНИЗАЦИИ

Етички Кодекс

Етичкиот Кодекс е прилагоден на постојните правни регулативи и им обезбедува на корисниците на консултантски услуги јавно изразено ветување на членовите на групацијата на МКТО за испорака на највисок квалитет на консултантска и тренерска работа. Фирмите членки и нивните вработени се потписници на овој Етички кодекс.

Клиенти

Ангажмани

Хонорари

Професија

С П И С О К

Менаџмент консултански и тренинг организации при

Стопанската комора на Макеоднија

- MKTO-

ПОДАТОЦИ ЗА ДЕЈНОСТА

ПРОГРАМА

за работа на Групацијата на менаџмент консултантски и тренерски организации  

А) Потреба: Повеќе од 15 години во Република Македонија се одвиваат процеси на промени во политичкиот и правниот систем, во економијата и во општеството воопшто. Во овие  процеси, под влијание на  запад, постепeно се пренесуваше потребата но и низ праксата се градеше професијата (еснаф) на консултант и обучувач. Досега се формираа 100-тина фирми а индивидуално околу 200 поединци се бават со консултанство. Овој број на фирми и поединци кои егзистираат од оваа професија постојано се зголемува. Во РМ веќе постојат повеќе здруженија на консултанти и обучувачи меѓу кои најактивни се МКА 2000 и Македонскта мрежа на обучувачи. Ваквите организациони форми се формирани врз основа на законот за здруженија на граѓани (невладини органзиации).

Имајќи ги предвид идните европски интеграциони процеси на РМ се наметна потребата од организирање на оваа професија. Потпирањето на знаењето како приоритетен ресурс за конкурентност во македонската економија го става консултантсвото во поодговорна улога кон македонското општество. Бидејќи знаењето е ресурс кој се зголемува (умножува) со делење, потребно е професијата да се обедини во организација каде ќе се обезбеди синергија од примената на овој принцип.

Целта на организирањето во групацијата на менаџмент консултантски и тренерски организации ќе биде собирање на едно место за популаризирање на консултантската работа, нејзино јасно разликување од другите професии, постојано надоградување на стандардите за консултант и воспоставување на дијалог за еснафот во македонското општество.

Б)Визија  Групација со изградени стандарди и пракса, активно вклучена во промените на македонското општество, изградена комуникација со Владата и другите актери во македонското општество, регионот и Европа.

В)Мисија  Изградени правила за консултантсвото и тренинг, систем на комуникација, поврзување и поддршка со консултантските фирми и индивидуалци од Македонија и пошироко, континуирана едукација и надоградба и силно влијание врз забрзаните текови на светските искуства и европските фондови кон јавната администрација, претпријатијата, НВО секторот и земјоделците со цел континуирано подобрување на конкурентноста на македонската економија во целина.

Г) Континуирани Активности на Групацијата МКТО

Д) ПРОГРАМА ЗА РАБОТА ВО 2009 ГОДИНА

Во програмата за работа на МКТО во 2009 година најголемиот дел од активностите ќе се однесуваат на формализирање на работењето и нејзиното институционално зајакнување. 

Д.1) ФОРМАЛИЗИРАЊЕ НА РАБОТЕЊЕТО ќе опфати усогласување на програмата за работа, популаризирање на МКТО помеѓу колегите, зголемување на членството, конституирање на работни тела и изработка на лого на Групацијата на МКТО.

Д.2) ИНСТИТУЦИОНАЛНОТО ЗАЈАКНУВАЊЕ ќе се фокусира на обезбедување на почетни услови на функционирање на МКТО и оформување на нејзиниот идентитет (бренд). Првиот чекор во комуникацијата со членството ќе биде промоција на web страната на Стопанската комора на Македонија со базата на податоци, со нудење на услуга за поддршка на активностите на групацијата и членките.

Препознатливоста на професијата консултант и тренер ќе се гради преку дефинирање на јасни постапки за комуникација со клиенти (ќе се иницира почетна поддршка за воведување ИСО стандардите што се однесуваат на професијата), препознатливост на специјализираното знаење што се испорачува до клиентите, следење на однесувањето на клиентите во примената на трансферираното знаење, мерливоста на постигнатиот успех на клиентите од користените консултантски и тренерски услуги. Остварувањето на овие цели во 2009 година ќе се одвива преку  подготовката и донесувањето на Етичкиот Кодекс за консултантските фирми, Стандардите за добра бизнис практика, Планот за маркетирање на професинализмот на МКТО и стратегиските правци на градење на отвореност, доверба и меѓусебна почит во МКТО.

За дефинирање на соработката со Владата, државните органи и институции , локалната самоуправа и приватниот сектор, ќе се превземат активности за подготовка и донесување на платформа за позиционирање на МКТО во однос на развојот на пазарот на деловни услуги и едукација во РМ, градењето на капацитетот на пазарните институции што го регулираат пазарниот натпревар, правилата на конкурентскиот натпревар, прашањата за формирањето на цената на услугите (како однос со светските и европските цени). Активностите за започнување и одржување на постојан дијалог со Владата ќе се однесуваат на заеднички ангажман за одредување на учеството (како процент од вкупно предвидената работа) на домашните услуги (специјализирано знаење) во проектите што се реализираат во РМ, транспарентност на цената на странските и домашните консултанти и транспарентност на резултатите од испорачаните услуги.

Активностите за постојана едукација, усовршување и зголемување на конкурентноста на членстово, МКТО ќе ги насочи кон изградба на индикатори за следење на македонскиот пазар на деловни услуги, систем на комуникација за информирање за нови програми и проекти и систем на подршка на сите видови парнерства на членовите на МКТО за подобар пазарен резултат.        Меѓународната соработка на МКТО за 2009 година ќе се потпира на воспоставените контакти на МКА 2000 и македонската мрежа на обучувачи и информирање на нивните меѓунардни соработници за формирањето и начинот на делувањето на МКТО.

За успешен почеток и остварување на програмата за 2009 година , МКТО ќе ги интезивира контактите со меѓународните програми и институции за обезбедување на повратни информации за нивните оценки за професионализмот во македонското консултантсво и нивните потреби од консултнтски и тренерски услуги во 2009 година.

ПРАВИЛА НА ГРУПАЦИЈАТА МКТО

⮞ Ристо Иванов, Претседател, НЕОЛ, Скопје

⮞ Биљана Велевска, САМЕРИМПЕКС, Скопје

⮞ Волкановска Александра, КЛИАР ВЈУ - БТЦ, Скопје

⮞ Живко Димов, ТЕД КОНСАЛТИНГ, Скопје

⮞ Латина Стаменкова, ЛОТОС КОНСАЛТИНГ, Скопје

⮞ Марија Васкова Рајкочевска, М КОНСАЛТИНГ ИНВЕСМЕНТ КВОЛИТИ, Скопје

⮞ Светлана Киревска, ФОНДАЦИЈА ЗА РАЗВОЈ НА МАЛИ И СРЕДНИ ПРЕТПРИЕМНИШТВА, Скопје

ГРУПАЦИЈАТА НА МЕНАЏМЕНТ КОНСУЛТАНТСКИ И ТРЕНЕРСКИ ОРГАНИЗАЦИИ

Етички Кодекс

Етичкиот Кодекс е прилагоден на постојните правни регулативи и им обезбедува на корисниците на консултантски услуги јавно изразено ветување на членовите на групацијата на МКТО за испорака на највисок квалитет на консултантска и тренерска работа. Фирмите членки и нивните вработени се потписници на овој Етички кодекс.

Клиенти

1) Ние им служиме на нашите клиенти со интегритет, компетентност и објективност.

2) Информациите и извештаите за клиентите ќе ги чуваме доверливо и ќе ги користиме  само со согласност на клинетите.

3) Доверливите информации на клиентите нема да ги искористиме за наша или корист на фирмите.

4) Нема да дозволиме конфликт на интереси кои обезбедуваат конкурентска предност на еден клиент преку користење на доверливи информации за друг клиент кој е директен конкурент, без да имаме негова претходна дозвола.

Ангажмани

5 )Ние ќе ги прифаќаме само ангажманите за кои сме квалификувани со нашето искуство и компетентност.

6) Ќе назначуваме кадар за ангажманите на клиентите во согласност со нивното искуство, знаење и екпертиза.

7) Веднаш ќе признаеме и ќе им потврдиме на нашите клиенти какво и да е влијание на нашата објективност и ќе понудиме да не изземе од консултантскиот ангажман кога нашата објективност или интегритет може да биде загрозена.

Хонорари

8) Ние ќе се согласиме независно и однапред за основата на нашите хонорари и трошоци и ќе ги наплатуваме согласно и сразмерно на услугите што ги испорачуваме и одговорноста што ја превземаме со нивната испорака.

9) Ќе им откриеме однапред на нашите клиенти доколку примаме било каква надокнада или провизија за опремата, набавките или услугите што им ги препорачуваме да ги користат.

Професија

10) Ние ги почитуваме интелектуалните права на нашите клиенти и другите консултантски фирми и нема да ги користиме нивните информации и методологии без согласнст и дозвола.

11) Ние нема да ги рекламираме нашите услуги на измамнички начин и нема неправилно да ја претставуваме консултатската професија, консултатските и тренерските фирми или поединечните консултанти и тренери.

12) Ќе информираме за прекршувањето и повредата на овој Етички кодекс.