Врз основа на член 65 став (6) од Законот за високото образование* („Службен весник на Република Македонија“ бр. 82/18 и „Службен весник на Република Северна Македонија“ бр. 178/21 и 58/24), Владата на Република Северна Македонија, на седницата, одржана на 16 април 2024 година, донесе

Со оваа одлука се дава одобрение за основање на Факултетот за здравствени науки при Меѓународен балкански универзитет во Скопје, на ул. „Македонско-Косовска бригада“ бб. во Скопје.

Одобрението од член 1 од оваа одлука, се дава врз основа на поднесеното барање од основачот Меѓународен балкански универзитет во Скопје, со ЕДБС 6426875, со седиште во Скопје на ул. „Македонско-Косовска бригада“ бб. во Скопје.

На Факултетот за здравствени науки од член 1 од оваа одлука, се врши високообразовна дејност согласно Законот за високото образование*.

На Факултетот за здравствени науки од член 1 од оваа одлука, ќе се изведуваат две студиски програми од прв циклус универзитетски стручни студии: студиска програма по медицински сестри/медицински техничар и студиска програма по здравствена нега (сестринство) акушерство и двете со времетраење на студиите од 4 години (8 семестри) односно вкупно (240 ЕКТС).

Потребниот наставен кадар кој ќе изведува настава на Факултетот за здравствени науки од член 1 од оваа одлука, ќе биде согласно стандардите и нормативите за вршење на високообразовна дејност.

Потребната опрема за опремување и простор на Факултетот за здравствени науки од член 1 од оваа одлука, ќе биде согласно стандардите и нормативите за вршење на високообразовна дејност.

Факултетот за здравствени науки од член 1 од оваа одлука, ќе биде сместен во објектот на Меѓународен балкански универзитет во Скопје на ул. „Македонско-Косовска бригада“ бб. во Скопје, со вкупна површина за вршење на научно-истражувачка и високообразовна дејност од 1140 м².

Бројот на студенти кои се запишуваат на Факултетот за здравствени науки од член 1 од оваа одлука, ќе биде определен со решението за акредитација на високобразовната установа.

Наставата на Факултетот за здравствени науки од член 1 од оваа одлука, е на македонски јазик и неговото кирилско писмо и англиски јазик и неговото писмо, согласно Законот за високото образование*.

Факултетот за здравствени науки од член 1 од оваа одлука, ќе отпочне со работа по добивањето на решението за почеток со работа од министерот за образование и наука и уписот во регистарот на високообразовни установи и во Централниот регистар на Република Северна Македонија.

Средствата за основање и работа на Факултетот за здравствени науки од член 1 од оваа одлука, ги обезбедува основачот.

Оваа одлука влегува во сила наредниот ден од денот на објавувањето во „Службен весник на Република Северна Македонија“.

Бр. 41-4179/3

 16 април 2024 година

Скопје

Претседател на Владата

на Република Северна Македонија,

 м-р Талат Џафери/Talat Xhaferi, с.р