Врз основа на членот 75, ставови 1 и 2 од Уставот на Република Северна Македонија, претседателот на Република Северна Македонија и претседателот на Собранието на Република Северна Македонија издаваат

 

Се прогласува Законот за изменување и дополнување на Законот за извршување на санкциите, што Собранието на Република Северна Македонија го донесе на седницата одржана на 28 март 2024 година.

Бр. 08-2151/1

28 март 2024 година

Скопје

Претседател на Република

Северна Македонија,

Стево Пендаровски, с.р.

 

Претседател

на Собранието на Република

Северна Македонија,

Јован Митрески, с.р.

Во Законот за извршување на санкциите („Службен весник на Република Северна Македонија” брoj 99/19, 220/19 и 236/22), во член 2 вo ставот (1) точката на крајот од реченицата се брише и се додаваат зборовите: „односно кога одлуката за изречена парична казна ќе стане правосилна и извршна.”.

Во член 7 ставот (2) се менува и гласи:

„Судот што ја донел одлуката во прв степен со која е изречена санкцијата е должен да му ја достави на надлежниот суд за извршување на санкциите според местото на живеалиштето, односно престојувалиштето на осуденото лице веднаш, односно во моментот на започнување на кривичната постапка, а најдоцна во рок од пет дена откако одлуката ќе стане правосилна, а во однос на паричната казна и извршна.”.

Во ставот (4) по зборот „санкциите’’ се додаваат зборовите: „односно судија за деца.”.

Во член 9 во ставот (3) зборовите: „од ставот (1) на овој член’’ се бришат.

Во член 11 во ставот (2) точката на крајот од реченицата се заменува со запирка и се додаваат зборовите: „како и трошоци согласно со членот 187 од овој закон.”.