Согласно известувањето на Министерството за финансии, целта на Предлог законот за изменување и дополнување на Законот за девизното работење е усогласување на Законот за девизното работење со Законот за платежни услуги и платни системи. Ќе се дефинира платежната институција, институцијата за електронски пари како и видовите на платежни трансакции со странство. Со измените се дава можност резидентите да извршуваат платежни трансакции со странство преку платежни сметки отворени кај платежни институции и институции за електронски пари. Платежните трансакции со странство, покрај банки, ќе можат да ги извршуваат и штедилници, платежни институции и институции за електронски пари.