Врз основа на членот 75, ставови 1 и 2 од Уставот на Република Северна Македонија, претседателот на Република Северна Македонија и претседателот на Собранието на Република Северна Македонија, издаваат

Се прогласува Законот за изменување и дополнување на Законот за здравствена заштита, што Собранието на Република Северна Македонија го донесе на седницата одржана на 7 февруари 2024 година.

Бр. 08-968/1                        Претседател на Република

7 февруари 2024 година    Северна Македонија,

Скопје                                   Стево Пендаровски, с.р.

 

Претседател

на Собранието на Република

      Северна Македонија,

      Јован Митрески, с.р.

Во Законот за здравствената заштита („Службен весник на Република Македонија“ број 43/12, 145/12, 87/13, 164/13, 39/14, 43/14, 132/14, 188/14, 10/15, 61/15, 154/15, 192/15, 17/16, 37/16 и 20/19 и „Службен весник на Република Северна Македонија“ број 101/19, 153/19, 180/19, 275/19, 77/21, 122/21, 178/21, 150/22, 236/22, 199/23, 236/23 и 263/23), во членот 70 по став (3) се додава нов став (4), кој гласи:

„(4) Поликлиника што спроведува стоматолошка здравствена дејност во две или повеќеординации може да спроведува дејност на примарно ниво во ординации од примарно ниво и специјалистичко-консултативна дејност во ординации од секундарно ниво (стоматолошка поликлиника на примарно и секундарно ниво).“.

Во членот 89 по зборовите: „издадените лекови“ се додаваат зборовите: „и дава информации и совети, како и врши превентивни и други услуги поврзани со терапијата со лекови“.

Во членот 256 став (1) во точката 3) сврзникот „и“ се заменува со точка и запирка и се додава нова точка 4), која гласи:

 

„4) донесува акт за утврдување на минималните цени на приватните здравствени услуги, односно услугите кои пациентите ги плаќаат со лични средства;“.

Точката 4) станува точка 5).

Овој закон влегува во сила со денот на објавувањето во „Службен весник на Република Северна Македонија“.