Целта на измената и дополнувањето на законот е да се овозможи забрзана реализација на градби од стратешки интерес за изградба на државни патишта, железнички пруги, магистрални гасоводи, како и други градби од јавен интерес кои се реализират како стратешки инвестициони проекти или проекти од стартешко национално значење утврдени со закон преку поедноставување на одредени чекори од процесот и да се овозможи повисок степен на флексибилност во однос на содржината на урбанистичките проекти.

Потребата од доизградба и модернизација на патната мрежа низ државата е суштинска потреба заради брз економски развој, како и интеграција на транспортниот сектор со ЕУ.

Транспортните политики на државата се засноваат на интеграција со регионот, како и поврзување на регионот со земјите членки на Европската Унија. Ова е стратешка определба усвоена и во Националата транспортна стратегија 2018-2030.