Општи податоци за Македонската асоцијација на меѓународни шпедитери и логистички оператори – МИФА

Македонската асоцијација на мегународни шпедитери и логистички оператори (МИФА) е регистрирана во 1993 година во рамките на Стопанска комора на Македонија. Асоцијацијата ги обединува шпедитерите и логистистичките оператори кои овозможуваат копнен, авионски, поморски и комбиниран транспорт како и царинење и логистички услуги.  (Повеќе)

Основни податоци за Групацијата на шпедитери

Иако од временски аспект Групацијата е млада организациона форма на делување, преку нејзините активности се постигнати значајни резултати, не само од интерес на дејноста што ја покрива, туку и од интерес и на пошироката стопанска заедница.

Уште на самиот почеток по основањето, нејзиното појавување беше поздравено од сите стопански субјекти коишто се бават со шпедитерска дејност, за да, со текот на времето, во вистинска светлина се потврди и оправданоста на активностите што таа ги правеше во насока на унапредување на одредени состојби во стопанскиот живот на шпедитерите.  (Повеќе)

Сертификат на Групацијата на шпедитери за членка во FIATA  (Повеќе)

ПОДАТОЦИ ЗА ДЕЈНОСТА

Правилник за поблиските критериуми за застапување во царинските постапки и лиценци за вршење на застапување

Групацитата својата активност ја остварува претежно преку седници и состаноци на органите и телата на нејзините членки, како и преку значајни средби и состаноци со владини и невладини органи и институции во земјата и странство. Своето функционирање го темели на донесените Правила за организацијата и начинот на работа, со кои се дефинирани основните цели и задачи на здружувањето, правата и одговорностите на членките, управувањето со работата на Групацијата и сл.Основните активностите се насочени, пред се, кон подобрување на соработката со царинските и инспекциските органи, а перманентно е присутен и процесот на подобрување на внатрешната организираност на шпедитерите, согласно потребите на пазарот.

Тргнувајќи од зацртаните основни цели и задачи, меѓу кои и за достојно презентирање и заштита на интересите на своите членки и шпедитерската индустрија во целост пред надлежните органи и организации, од особено значење за шпедитерската дејност беше потпишувањето на Меморандумот за соработка и партнерство меѓу Групацијата на Меѓународните шпедитери и Царинската управа на Република Македонија и формирањето на Царинско-шпедитерски Комитет како оперативно тело за имплементирење на определбите од Меморандумот, со коишто се поставија темелите за поцврста и понепосредна меѓусебна соработка во насока на унапредување на вкупните односите во сферата на царинско-шпедитерското работење.

Со формирањето на Советодавното тело при Царинската управа на Република Македонија, како повисока форма на соработка и партнерство на Царината со бизнис заедницата, Групацијата доби можност за учество во неговите активности со двајца свои претставници.

-Исто така, потпишан е и Меморандум за соработка и партнерство со Државниот пазарен инспекторат, а во тек се активности за потпишување на документи за непосредна оперативна соработка и партнерство и со Дирекцијата за храна и со Фитосанитарниот и Ветеринарниот Инспекторат.

Групацијата, преку активностите на своите членки, перманентно е присутна при донесувањето на нови и изменувањето на постојните законски прописи во земјата, како и во унапредувањето на сопствените акти на работењето.

⮞ Ѓино Шкријељ, Претседател, ВИКТОРИЈА ШПЕД, Скопје

⮞ Владимир Василевски, Заменик претседател, БЕТАШПЕД, Скопје

⮞ Глигор Дебниковски, СКОПЈЕШПЕД, Скопје

⮞ Димче Георгиевски, ДИМА ШПЕДИЦИЈА, Скопје

⮞ Иван Бошковски, ФЕРШПЕД, Скопје

⮞ Карло Змајшек, МАКПЕТРОЛ ШПЕДИЦИЈА, Скопје

⮞ Марија Стојковска, ДАУТИ ТРАНСПОРТШПЕД, Скопје

⮞ Сашо Димоски, ГЕБРУДЕР ВАЈС, Скопје

Иницијатива на Групацијата за изменување и дополнување на Царинскиот закон  (Повеќе)

Иницијатива за изменување и дополнување на Законот за вршење на работи на застапување во царинските постапки  (Повеќе)

Иницијатива на Групација на шпедитери во врска со примена на нетарифните мерки на граница на РМ  (Повеќе)

Прилози кон Иницијативата на Групацијата: Прилог1, Прилог2, Прилог3, Прилог4

ПРАВИЛА за организацијата и начинот на работа на Групацијата на меѓународните шпедитери и логистички оператори -MIFA  (Повеќе)

ДЕКЛАРАЦИЈА од 10-ти Конгрес на Меѓународните шпедитери и логистички оператори од Југоисточна Европа, Истанбул, 27 Мај 2011 година  (Повеќе)